| Tirana Ekspres ka ndërtuar një traditë efikase për promovimin e kulturës dhe natyrës së Shqipërisë. Ndaj, ne propozojmë një projekt unik për vitin e ardhshëm: një festival dimëror 3-ditor në Pukë që ka për qëllim t’i japë jetë trashëgimisë kulturore dhe natyrore të këtij qyteti të veçantë. Ky festival është një mundësi për të përmirësuar ndjeshëm zhvillimin turistik dhe ndërgjegjësimin mbi çështjet mjedisore, duke tërhequr jo vetëm vendasit, por edhe mijëra vizitorë të huaj. Të gjitha aktivitetet do të përqendrohen në promovimin e artit, kulturës dhe natyrës, duke sjellë së bashku muzikën tradicionale, vallet, këngët, si dhe ritualet e festave të zonës, të cilat do të realizohen në disa prej qendrave më të bukura të Pukës. Festivali nuk është thjesht një event kulturor – është një mundësi për bashkëveprim institucional dhe ekonomik, ku bizneset lokale do të kenë një rol qendror, duke ofruar produkte vendase dhe shërbime të përshtatura për turistët. |
Aktivitetet si hipizmi, lojërat popullore, hapësirat për fëmijët, ato sportive dhe kulturore do t’i japin një përvojë autentike vizitorëve, ndërsa panairet e artizanatit dhe kulinarisë do të shfaqin më të mirën e traditës së Pukës. Një tjetër vlerë e shtuar është organizimi i workshop-eve profesionale për zhvillimin e turizmit, me ekspertë të fushës dhe studentë të angazhuar nga instituti profesional i turizmit, të cilët do të sjellin ide dhe qasje inovative në promovimin e destinacioneve rurale. Me një target prej 10,000 vizitorësh dhe mbështetjen e plotë të komunitetit lokal dhe aktorëve të turizmit, ky festival do të sjellë një ndikim të drejtpërdrejtë në ekonominë e zonës, duke e bërë Pukën një destinacion të preferuar edhe gjatë muajve të ftohtë të vitit. Ne do të promovojmë zhvillimin rural duke ofruar mundësi për fermerët dhe biznese të vogla, duke krijuar një lidhje të fortë midis turizmit dhe bujqësisë lokale.
Tashmë mund të na ndiqni në rrjtetet tona sociale:
Instagram: Puka N’Fest – https://www.instagram.com/s/aGlnaGxpZ2h0OjE3OTQ1MjM5OTU1ODk3NzE2?igsh=ZDc4OHQ3Z3V5dXhp
TikTok: Puka N’Fest – https://vm.tiktok.com/ZMhnCnUwa/
