Projekte

Vjosa N’Fest Edicioni i Trete

Vjosa N’Fest u zhvillua për të tretin vit radhazi në qytetin e Përmetit, duke e mbushur atë plot me eksperienca dhe aktivitete të ndryshme për të gjitha moshat. Këtë vit, ndryshe nga vitet e tjera, festivali Vjosa N’Fest solli risi duke shtuar aktivitete interesante dhe argëtuese për qytetin e Përmetit.

Disa aktivitete të reja që u zhvilluan gjatë Vjosa N’Fest 3 përfshinin: Mbrëmjen Poetike, workshopin e biznesit, aktivitetin “Mësojmë duke u argëtuar” në bashkëpunim me DPSHTRR, dhe eventin “Retro” për të gjithë të apasionuarit pas targave suvenir. Një tjetër nismë e rëndësishme ishte “Vjosa Sjell Lule”, e cila synonte riciklimin e shisheve plastike, duke theksuar rëndësinë e kujdesit për mjedisin. Gjithashtu, gjatë këtyre tre ditëve, kinemaja qëndroi e hapur, duke shfaqur filmin “Guxim” të aktorit të njohur shqiptar, Drilon Hoxha. Këto aktivitete shtuan një dimension të ri dhe të larmishëm në përvojën e festivalit.

Festivali u zhvillua në datat 17, 18 dhe 19 maj. Çdo ditë fillonte në orët e para të mëngjesit me panairin e artizanatit dhe kulinarisë, duke vazhduar deri në orët e vona të natës me muzikë folklorike dhe elektronike. Kjo krijoi një atmosferë të zjarrtë për të gjithë turistët dhe qytetarët.

Shumë artistë iu bashkuan këtij festivali, duke e ndezur skenën e Vjosa N’Fest në qendër të qytetit. Gjithashtu, shumë DJ të talentuar luajtën muzikë në skenën elektronike, e cila u mbajt te ish-reparti ushtarak.

Ky festival solli eksperienca të paharrueshme për të gjithë pjesëmarrësit që na u bashkuan gjatë tre ditëve të festivalit. Atmosfera festive, aktivitetet e shumta dhe energjia e veçantë e Vjosa N’Fest krijuan kujtime të jashtëzakonshme për të gjithë ata që morën pjesë.

Read More
Exhibition, Projekte

Me’Ndje Hapur

“Me’Ndje Hapur” titullohet projekti, i cili na shoqëroi përgjatë muajit Shtator. Ky projekt pati si qëllim edukimin e publikut të gjerë dhe trajtimin e çështjeve sociale nëpërmjet artit. Projekti synoi nxitjen dhe angazhimin në ngritjen e diskutimit për çështje sociale si: seksualteti, pabarazia gjinore, shëndeti mendor dhe korrupsioni.

Projekti ofroi një mundësi eksperimentimi për artistët në disiplina të ndryshme, në krijimin e veprave si dhe sjelljen e tyre në një ekspozitë finalizuese.
Ky projekt pati disa takime paraprake, ku artistët patën mundësi të zhvillonin diskutime rreth çështjeve që do të mbaheshin.

Data 1 Shator ishte data e çeljes së ekspozitës, e cila u mbajt në ambientet e galerisë. Ekspozita nxiti reflektim dhe debat për temat e rëndësishme shoqërore që na rrethojnë. Përmes artit u shqyrtua pabarazia gjinore, korrupsioni, shëndeti mendor dhe seksualiteti.
Veprat e realizuara nga Erald Nezaj, Kristanja Çene, Albi Yzo, Besa Mustafa, Samela Balazi dhe Kristian Zara shfaqën interes te vizitorët.

Me datë 4 Shator u mbajt një takim, i cili mblodhi artistë dhe njerëz të fushave të ndryshme për të diskutuar rreth temës “Seksualiteti dhe Pabarazia Gjinore”.

Data 6 Shator gjithashtu pati një temë mjaft interesante me titull “Korrupsioni”.
Në këtë takim u zhvilluan bisedime, u ndanë mendime dhe sugjerime të cilat ndihmuan në zhvillimin e një diskutimi cilësor dhe të frytshëm për cilindo të pranishëm dhe jo vetëm.

“Shëndeti Mendor” tema e katërt u mbajt me datën 8 Shator, e cila mblodhi një grup njerëzish, të cilët ndanë mendime dhe dhanë opinione të ndryshme. Artistët pjesëmarrës në këtë projekt diskutuan mbi krijimet e tyre dhe temën në fjalë.

Ekspozita finalizuese e këtij projekti u mbajt me datë 13 Shator. Në këtë ekspozitë pati një pjesëmarrje nga njerëz të fushave të ndryshme të artit.

Ky projekt u realizua nga Tirana Ekspres dhe u mbështet nga Fondi Kulturor Zvicerian, një projekt i Agjencisë Zviceriane për Zhvillim dhe Bashkëpunim (SDC), zbatuar nga Qendra për Biznes, Teknologji dhe Lidership (CBTL).

Read More
Kultura, Mjedisi, Projekte, Vizatime, Workshop

N’Farkë Festë

Projekti i titulluar N’Farkë Festë u zhvillua në datat 5, 8, 11 dhe 12 Korrik. Ky projekt pati disa aktivitete të ndryshme të cilat sollën interesin e shumë vizitorëve, kryesisht dhe të fëmijëve.

Aktiviteti i parë u mbajt me datë 5 korrik, ku u zhvilluan lojërat popullore, pranë Sheshit Skëndërbej në Parkun Europa. Ky aktivitet u zhvillua nga ora 18:00 deri në orën 22:00. Fëmijë dhe të rritur iu bashkuan lojrave popullore. Lojrat që u zhvilluan, animatorët dhe muzika e bënë mbrëmjen më argëtuese për pjesëmarrësit e këtij ativiteti.

Aktiviteti i dytë, i cili u mbajt me datë 8 Korrik, pati si qëllim panairin e artizanatit, ku u zhvillua në sheshin alternativ të Pazarit të Ri. 14 artizanë të teknikave të ndryshme morrën pjesë në këtë panair duke prezantuar punimet e tyre të punuara prej dore. Sigurisht që pjesë e këtij panairi ishte edhe muzika e bukur popullore shqipëtare. Një visibilitet pati edhe nga turisët, të cilët shfaqën interes rreth këtij panairi. Të rinj, fëmijë iu bashkuan grupit të valles. Ky panair u zhvillua nga ora 18:00 deri në orën 22:00.

Aktiviteti i tretë u zhvillua në një ambient ndryshe, në liqenin e Farkës. Ky aktivitet pati një ekspozitë të zhvilluar në natyrë dhe gjithashtu një workshop me punimet e fëmijëve. Rreth 11 piktura të punuara nga duart e fëmijëve u ekspozuan në liqenin e Farkës, ku gjithashtu u zhvillua dhe workshopi.

Aktiviteti i katërt dhe përfundimtar, i përmblodhi të gjitha aktivitetet e përmendura më sipër. Ky aktivitet u zhvillua nga ora 18:00 deri në orën 23:00. Në një pjesë të liqenit të Farkës u zhvilluan aktivitetet për fëmijë, kurse në një pjesë tjetër, u luajt muzikë nga dy DJ të cilët i dhanë atmosferë aktivitetit. Workshopi i balonave, panairi i cili pati 12 artizanë dhe shumë aktivitete të tjera sollën që ky event të kishte një audiencë të lartë dhe të pëlqehej si nga fëmijë ashtu dhe të rritur.

N’Farkë Festë pati shumë vizitorë në të katërta fazat e tija. Ky projekt u realizua nga Tirana Ekspres dhe u mbështet nga Bashkia Tiranë.

Read More
Kultura, Mjedisi, Projekte

Vjosa n’Fest Edicioni i dytë

Festivali Vjosa n'Fest u mbajt në datat 28, 29 dhe 30 Prill 2023 në qytetin e Përmetit nga ora 9:00 deri në orët e para të mëngjesit ku morën pjesë qindra vizitorë që kishin udhëtuar nga qytete të ndryshme të Shqipërisë dhe vendeve të tjera. .
Një festival gjithëpërfshirës me aktivitete të ndryshme si koncerte muzikore me grupe të njohura dhe DJ, aktivitete sportive dhe panaire artizanale.
Promovimi i bizneseve vendase kishte një fokus të veçantë, prandaj u krijua një bazë të dhënash për çdo kategori të përfshirë në festival si Rafting, Hiking, Trekking etj. të qytetit. Gjithashtu u krijua një bazë të dhënash me të gjitha strukturat akomoduese të vendosura në qytet dhe fshatrat përreth.
Shpallja e lumit Vjosa “Park Kombëtar” ka bërë prioritet mbrojtjen e mjedisit. Për rrjedhojë, turizmi është kthyer në një synim unifikues, me potencialin për të pozicionuar zonën si një destinacion turistik konkurrues, me vlerë në tregun kombëtar, rajonal dhe global.

Aktivitetet kryesore që u mbajtën gjatë Festivalit janë:
- Koncerte muzike popullore, live, DJ.
- Panairi i artizanatit dhe kulinarisë.
- Zonë për fëmijë me lojëra të njohura, bërjen e balonave dhe shumë aktivitete të tjera argëtuese.
- Sporte në natyrë dhe aktivitete si rafting në lumin Vjosa,
- Guidë ditore, ecje kulturore në kishën e Leusës të shekullit të 18-të, shëtitje në ujërat termale të Bënjës, shëtitje në parkun kombëtar të Bredhit të Hotovës.
-Baloona me gaz u pozicionua në qendër të qytetit dhe u dha mundësinë të pranishmëve të shijojnë bukurinë e qytetit të Përmetit, gjatë ngritjes dhe uljes së kontrolluar.
- Ecje me kalë për entuziastët e kuajve.
-  Mountain Bike Fest.

Për më shumë informacion vizitoni faqen e Vjosa n'Fest.

Artikuj
Akademia e Filmit dhe Multimedias Marubi

Albspirit


Vjosa nfest
Vjosa nfest
Vjosa nfest
Vjosa nfest
Vjosa nfest
Vjosa nfest
Vjosa nfest
Vjosa nfest
Vjosa nfest
Vjosa nfest
Vjosa nfest
Vjosa nfest



Read More
Exhibition, Kultura, Piktura, Projekte, Vizatime

E Panjohura Kolektive


Subjekti ose tema e trajtuar ka të bëjë me dukuritë e botës psikike dhe sidomos në lidhje të qartë me kujtesën; me atë pjesë të kujtesës që është depozituar brenda qenies sonë por që nuk është fort e qartë. Këto pjesë janë ato të cilat, rrallë, shfaqen më shumë si lëvizje e shpejtë në mendjen tonë dhe jo si një kujtesë e pastër e së kaluarës. Nëse i mbledhim bashkë ato krijojnë në vetëvete një kolektiv për të cilin nuk kemi një identitet apo përcaktim. Gjithësesi, ato krijojnë format e veta dhe kanë ndikim tek konceptet tona rreth botës së jashtme. Ndoshta, janë edhe pjesëza të ëndrrave, ndoshta figura të cilat i kemi parë por që nuk i kemi vëzhguar gjatë. Ndoshta!

Unknown Collective


"Brenda sferës së psikikës sonë, qëndrojnë me qindra ndodhi dhe gjëra. Ato mbushin thellësitë e forcave të jashtëzakonshme.  Të gjitha transformuar në një mater(ie) të padukshme që lëviz brenda unit.  Të ndërthurura me shqisat dhe ndjenjat, të prekura prej mendimeve dhe ëndrrave, ato krijojnë kështu valë që drejtojnë dritën dhe hijen.  Duke manifestuar një jetë të padukshme dhe aktive, të dy anët krijojnë një trajtë të vetme, një veçanti. Brenda energjisë mendore, në përkapjen time, të gjitha këto duken sikur vijnë nga qenie të panjohura kolektive..."

KRISTIAN ZARA

Unknown Collective

Përqasja e artistit

Në studimet e mia artistike, prej rreth 6 vitesh, veprat e C. G. Jung mbi psikanalizën dhe arketipat kanë influencë të fortë. Është një nga fushat që më tërheq shumë dhe tashmë është bërë edhe burim nxitës për punën time në art. Gjithësesi, stili eskpresionist mbizotëron tek vetë stili im personal, ndërkohë që konceptualizmi sa vjen e ndërthuret edhe më tepër brena punimeve të mia. Subjekti që unë prej kohësh trajtoj është njeriu apo njerëzit midis dy anëve, të brendshme e të pa dukshme dhe asaj të jashtme fizike. Gjithçka në botën e jashtme, për mua, nis nga bota jonë e brendshme ku gjenden edhe forcat jetike e veprimtarisë sonë së përditshme. 

E rëndësishme për mua të jap drejtime rreth punës sime artistike, dhe jo të shpjegoj se çfarë dua të them apo kam menduar, dhe përse. Mendoj se më e mira që unë mund të jam me anë të eskpozimit të punimeve të mia është nxitja e vëzhguesit për të nisur një proces reflektimi ose meditimi rreth fenomeneve që trillohen përpara tij nëpërmjet arsyes pamore.  Çdo kush është i lirë të gjejë përjetimin e tij brenda asaj që shikon, dhe i mirëpritur ta përcjellë atë po ashtu në liri të plotë. 

Ekspozita “E Panjohura Kolektive” përmban 21 punime arti të cilat ndahen në 14 vizatime në laps, dhe 7 piktura – vaj në beze. Këto punime janë pjesë e serisë me të njëjtin titull, të realizuara nga fundi i vitit 2020 deri në fillim të vitit 2022.  Stili i punimeve është llojit ekspresionizëm, por me ekzekutim minimalist (pa shumë detaje). 


Unknown Collective
Unknown Collective
Unknown Collective
Read More
Poster Sting in The target
Kultura, Exhibition, Exhibition, Kultura, Projekte, Projekte

Thumbi në Shenjestër

“Thumbi në Shenjestër” titullohet ekspozita që u çel ditën e premte, datë 18 Nëntor TE’Galeria, ora 19:00. Në të u prezantuan katalogu si dhe rreth 30 punime në teknika të ndryshme si laps, akuarel, akrelik apo digital print. Publiku pjesëmarrës në celjen e kësaj ekspozite, u njoh më nga afër me artin e karikaturës të Endri Beqos.

Bota e paraqitur nëpërmjet artit të karikaturës nga syri i artistit Endri Beqo. Tema sociale dhe ndryshimet që kanë ndodhur në këtë dhjetëvjecar. Lufta, ndotja, ngrohja globale, Virusi Covid-19, kriza ekonomike dhe ndryshimet që kanë sjellë risitë e teknologjisë në jetët e njerëzve janë disa nga tematikat që ka trajtuar artisti në punën e tij. Pas 10 vitesh këto punime i ka përmbledhur në një katalog, i cili tanimë gjendet në libraritë e Tiranës. Portrete, karaktere e fenomene të një realiteti shoqëror Shqipëtar e botëror të paraqitura me doza ironie e humori në mënyrë që të bëjnë të reflektosh. 

Ekspozita “Thumbi në Shenjestër” qëndroi e hapur për artdashësit deri në datë 27 Nëntor 2022 nga ora 10:00 deri në orën 18:00.


Rreth autorit

Endrit Beqo është lindur në Tiranë dhe është diplomuar në Universitetin e Artëve në Tiranë për skulpturë dhe grafik 2010-2015. Ai ka marrë pjesë në shumë aktivitete të ndryshme në kategorinë e Artit te karikaturës në portrete dhe bashkepunime ne shumë evente të ndryshem si dhe nga Bashkia e Tiranës.

Ka marre pjesë ne "Info Network" ku ka marrë çmimin e dytë në temën e karikaturave të BE-së. Ai gjithashtu ka marrë çmime ndërkombëtare në Festivale te ndryshem si në Bienale te Strip dhe Cartoon në Galerinë HAMAM në Prizren, Maqedoni Prishtinë dhe në Turqi. Gjithashtu edhe në ekspoziten (Flaka e Janarit) në Gjilan.

Karikatura hyri për herë të parë në hartën e Shqipërisë në vitin 2020 ku u organizua Konkursi i Bienales nga Niko Nikolla, në qytetin e Pogradecit, ku artisti gjithashtu ishte pjesëmarrës. Dhe e fundit në Ferizaj në festivalin e Shoqatës së Karikaturës-HITHI kur u vlerësua me çmimin (për vlerat e larta Artistike). Ka  marrë pjesë në ekspozita kolektive në rrethet e Shqipërise në grupe, ka bërë tre ekspozita personale me Karikatura sociale për Termetin  dhe e fundit për Covidin në (Galerine Gat). Gjithashtu ka bërë ilustrime artikuj libra botues per femije “,ka punuar dhe në gazeta online dhe në botime me artikuj të ndyshëm në karikatura sociale, si dhe skenografi skenike të teatrit Skampa dhe postera të kompozuara në karikaturë. Ilustrimi  i tij është edhe libra Comic book që ka botuar dhe një libër me tematiken të emigrimit ku ka marrë pjesë në Novelat Grafike nga Ministria e Kultures.

Sting in the Target
Sting in the Target
Sting in the Target
Sting in the Target

 

Read More
Artizanes
Artet vizuale, Kultura, Projekte

Artizanes

Me e nxanë artin.

Artizanes është një biznes social i cili ka për qëllim promovimin e artizanëve të rinj në Shqipëri. I krijuar në nëntor të 2021, Artizanes numëron sot rreth 60 Artizanë të cilët promovojnë krijimet e tyre në hapsirën e dyqaint tonë fizik të pozicionuar në Pazarin e Ri. 

Artizanes synon të zgjerojë gamën e produkteve handmade si dhe të nxisë promovimin e shitjes së  produkteve të prodhuara nga artizanët e rinj.

+ Select images
Read More
Exhibition, Exhibition, Kultura, Projekte, Workshop

Bli një pikturë, dhuro një edukim!

Në datën 8 Shator TE’Galeria u çel ekspozita e solidaritetit. "Bli një pikturë, dhuro një edukim" u erdhi në ndihmë fëmijëve të qytetit të Elbasanit. Kjo ekspozitë qëndroi e hupur për tre ditë dhe individë e institucione shprehën solidaritetin e tyre.





Buy a painting for an education

Workshopi dy ditor i pikturës u zhvillua me fëmijë të moshave 7-13 vjeç dhe kjo u finalizua me një ekspozitë solidariteti ndryshe nga ekspozitat e tjera të zhvilluara më herët. Të ardhurat, të cilat u grumbulluan nga kjo ekspozitë shkuan si një ndihmë për blerjen e mjeteve shkollore dhe veshje për disa fëmijë në qytetin e Elbasanit.


Bli nje pikture dhuro nje edukim

Bli nje pikture dhuro nje edukim

Bli nje pikture dhuro nje edukim

Bli nje pikture dhuro nje edukim

Bli nje pikture dhuro nje edukim

Bli nje pikture dhuro nje edukim

Bli nje pikture dhuro nje edukim

Bli nje pikture dhuro nje edukim

Bli nje pikture dhuro nje edukim

Bli nje pikture dhuro nje edukim

Ky projekt u ideua nga Ana Qirjazi dhe familja e saj dhe u soll në jetë nga Tirana Ekspres, TE'Galeria në bashkëpunim me organizatën A2A Albania në Elbasan. Klikoni link-un për të ndjekur kronikën e RTSH dedikuar projektit.


Bli nje pikture dhuro nje edukim

Bli nje pikture dhuro nje edukim

Bli nje pikture dhuro nje edukim

Bli nje pikture dhuro nje edukim

Bli nje pikture dhuro nje edukim

Bli nje pikture dhuro nje edukim

Bli nje pikture dhuro nje edukim

Bli nje pikture dhuro nje edukim
Read More
Artet vizuale, Projekte, Workshop

Qendra Artizanale Rinore (QAR)

“QAR” ka pasur per qëllim nxitjen dhe krijimin e mundësisë së personave meaftësi të kufizuara për të hyrë në treg dhe të gjeneronin të ardhurat e tyre.

Për këtë arsye u angazhuan 3 ekspertë të fushave të ndryshme artizanale për të mësuar dhe orientuar këtë grup personash drejt tregut të punës. Fushat ku u përqëndruan këto workshope ishin: 

  1. përpunim i bakrit në bizhu;
  2. përpunimi i allcisë;
  3. krijimi i bizhuterive me rruaza dhe material të ricikluar.

Në përfundim të këtij projekti, synuam zgjerimin e rrjetit për këtë kategori individësh, si dhe mundësimin e nxjerrjes në treg të produkteve finale të tyre.








FAZA E PARË

Si fillim të kësaj nismë janë zhvilluar takime me organizata të ndryshme, intervista me njerëz me nevoja të vecanta. Organizatat kanë dhënë kontributin e tyre në këtë nismë që është ndërmarrë për këta persona. U zhvilluan takime për ti ardhur në ndihmë kësaj nismë me persona të tjerë të cilët shprehën dëshirën e tyre për të kontribuar.

FAZA E DYTË 

Ne fazen e dytë të kësaj nismë u organizuan workshope të cilat bënë bashkë njerëz me nevoja specifike ku prezantuan teknikat e ndryshme nga specialistet e artizanatit. U njohën me materialet dhe krijuan punimet e tyre.

FAZA E TRETË 

Pas një dedikimi dhe një angazhimi të palodhur për muaj me rradhë, rrugëtimi i ketij projekti u mbyll me sukses. Bashkëpunimi me grupin e individëve të vecantë që u përkushtuan maksimalisht në punimet e tyre të mrekullueshme artizanale.

Ky projekt nuk do të ishte i mundur pa kontributin dhe suportin e madh që ofruan Western Balkans Fund (WBF) dhe EU Delegation to Albania, të cilët kanë qënë prezent në çdo hap që është ndërmarrë për organizimin e aktiviteteve me qëllim të argëtuarit dhe të mësuarit për artizanët e rinj.

Nje falenderim i veçantë gjithashtu shkon edhe për mentorët tanë që pa ndihmën e tyre, nuk do të realizoheshin këto punime artizanale: Ana Maria Ceko, Rudina Caca dhe Danjel Kucaj. 






Read More
Kultura, Mjedisi, Projekte, Workshop

Vjosa n’Fest

Festivali Vjosa n'Fest u mbajt në datat 27, 28 dhe 29 maj 2022 në qytetin e Përmetit nga ora 9:00 deri në orët e para të mëngjesit ku morën pjesë qindra dashamirës të cilët kishin udhëtuar nga qytete të ndryshme të Shqipërisë.
Një festival gjithëpërfshirës me aktivitete të shumëllojshme si koncert muzikor me bande dhe DJ të njohur, aktivitete sportive dhe panair artizanal.
Promovimi i bizneseve vendase kishte një fokus të veçantë, prandaj u krijua një bazë të dhënash për çdo kategori të përfshirë në festival si Rafting, Hiking, Trekking etj. të qytetit. Gjithashtu u krijua një bazë të dhënash me të gjitha strukturat akomoduese të vendosura në qytet dhe fshatrat përreth.
Kontakti me banorët dhe krijimi i një rrjeti ishte i një rëndësie të veçantë. Ne patëm rastin të merrnim mendime të ndryshme prej tyre në lidhje me përzgjedhjen e vendosjes së çdo aktiviteti në terren bazuar në kushtet dhe specifikat e tyre. Në të njëjtën kohë u vendosën kontakte me subjekte të tjera të mundshme që mund të sillnin shërbimet e tyre nga Tirana. Shërbime që tejkaluan kapacitetet e qytetit të Përmetit, por të rëndësishme në mbarëvajtjen e festivalit, si krijimi i panairit të Artizanëve me njëzet stendat e vendosura në sheshin kryesor ku ishin vendosur artizanët e ftuar nga qytete të ndryshme të Shqipërisë.


Vjosa n'fest



Vjosa n'Fest

Sportet ajrore

Aktiviteti tre ditor nisi rrugëtimin e tij me një performancë të parashutistëve të Sky Sports Albania me Alket Islamin, Jhonatan Islamin dhe pilotë të tjerë. Ata ofruan disa fluturime me parashutë për entuziastët e sporteve ekstreme. Fluturimet zgjatën nga 15 deri në 20 minuta. Paratrike, paragliding, paramotor dhe paragliding me motor ishin mënyrat e fluturimit që të interesuarit mund të zgjidhnin. Studimi i fluturimit u krye në Polimen, duke përshkuar zonën përgjatë luginës së Vjosës mbi qytetin e Përmetit deri në afërsi të fshatit Buhal.

Guida automobilistike

Garat me motoçikleta dhe Guidat e Motoçikletave u ofruan nga Enduro Albania Motors. 10
Çiklistët e certifikuar organizuan shfaqje të motoçikletave përgjatë rrugës kryesore të këmbësorëve të qytetit. Për të apasionuarit e motoçikletave për dy orë gjatë tre ditëve të festivalit u vunë në dispozicion edhe guida profesionale me të gjitha pajisjet e nevojshme. Rreth 100 persona arritën nga ky aktivitet, të regjistrohen në faqen e eventit www.vjosanfest.al, nëpërmjet rrjeteve sociale dhe fizikisht në stendën e ngritur për këtë aktivitet.

Turne me biçikletë

Turne individuale dhe grupore me biçikleta në destinacione të ndryshme të qytetit të Përmetit, si në Banja Banjë, Alipostivan, Stërmbec dhe Ujvara e Sopotit. etj. Udhëtimet me biçikletë u ofruan nga Bike Doctor me 15 guida të certifikuara, përgjatë tre ditëve të festivalit duke filluar nga mëngjesi i datës 27 me një piknik në qendër të qytetit të Përmetit. Nëpërmjet stendës së vendosur në qendër të qytetit, kushtuar këtij aktiviteti, të interesuarit patën mundësinë të regjistrohen për të bërë një nga turet me biçikleta. Në këtë aktivitet sportiv morën pjesë rreth 65 persona. Të interesuarit kanë udhëtuar nga qytete të ndryshme të Shipërisë si dhe nga Kosova.

Panairi i Artizanatit dhe Kulinarisë

Vëmendje e veçantë iu kushtua promovimit të produkteve vendore përmes Panairit. Përballë bashkisë u vendosën 20 stenda për panairin e kuzhinës së zonës, me produkte vendase dhe gatime tradicionale, si dhe panairin e artizanatit me artizanët nga qytetet e Përmetit, Ersekës, Gjirokastrës, Tiranës dhe qyteteve të tjera. Në këtë panair ata patën mundësinë që përmes mjeteve të ndryshme të promovojnë produktet e tyre të punuara me dorë.

Aktiviteti i fëmijëve

Paralelisht u zhvilluan aktivitete për fëmijë. Hapësira e dedikuar për fëmijët përfshinte animacione, lojëra popullore, ndërtimin dhe ngritjen e balonave, këndin e rrjedhjes dhe ekspozitën e pikturës “Kam pikturuar në sytë e mi” me vepra të fëmijëve të qytetit. Aktivitetet kushtuar fëmijëve u zhvilluan gjatë dy ditëve të para të festivalit, 27 dhe 28 maj, nga ora 10:00-17:00.


Vjosa n'fest



Vjosa n'Fest

Edicioni i parë i Vjosa n'Fest pati feedback të mirë nga komuniteti lokal si dhe nga njerezit, te cilet erdhën ne qytetin e Permetit per te ndjekur festivalin.

Read More