Exhibition | Tirana Ekspres

Home
Category: Exhibition

The archive description field doesn't exist for the current taxonomy so no content will be displayed

Exhibition, Projekte

Me’Ndje Hapur

“Me’Ndje Hapur” titullohet projekti, i cili na shoqëroi përgjatë muajit Shtator. Ky projekt pati si qëllim edukimin e publikut të gjerë dhe trajtimin e çështjeve sociale nëpërmjet artit. Projekti synoi nxitjen dhe angazhimin në ngritjen e diskutimit për çështje sociale si: seksualteti, pabarazia gjinore, shëndeti mendor dhe korrupsioni.

Projekti ofroi një mundësi eksperimentimi për artistët në disiplina të ndryshme, në krijimin e veprave si dhe sjelljen e tyre në një ekspozitë finalizuese.
Ky projekt pati disa takime paraprake, ku artistët patën mundësi të zhvillonin diskutime rreth çështjeve që do të mbaheshin.

Data 1 Shator ishte data e çeljes së ekspozitës, e cila u mbajt në ambientet e galerisë. Ekspozita nxiti reflektim dhe debat për temat e rëndësishme shoqërore që na rrethojnë. Përmes artit u shqyrtua pabarazia gjinore, korrupsioni, shëndeti mendor dhe seksualiteti.
Veprat e realizuara nga Erald Nezaj, Kristanja Çene, Albi Yzo, Besa Mustafa, Samela Balazi dhe Kristian Zara shfaqën interes te vizitorët.

Me datë 4 Shator u mbajt një takim, i cili mblodhi artistë dhe njerëz të fushave të ndryshme për të diskutuar rreth temës “Seksualiteti dhe Pabarazia Gjinore”.

Data 6 Shator gjithashtu pati një temë mjaft interesante me titull “Korrupsioni”.
Në këtë takim u zhvilluan bisedime, u ndanë mendime dhe sugjerime të cilat ndihmuan në zhvillimin e një diskutimi cilësor dhe të frytshëm për cilindo të pranishëm dhe jo vetëm.

“Shëndeti Mendor” tema e katërt u mbajt me datën 8 Shator, e cila mblodhi një grup njerëzish, të cilët ndanë mendime dhe dhanë opinione të ndryshme. Artistët pjesëmarrës në këtë projekt diskutuan mbi krijimet e tyre dhe temën në fjalë.

379998198_18204185203267791_5680301648558478520_n

379994090_18204185212267791_2664399563731843294_n

Ekspozita finalizuese e këtij projekti u mbajt me datë 13 Shator. Në këtë ekspozitë pati një pjesëmarrje nga njerëz të fushave të ndryshme të artit.

Ky projekt u realizua nga Tirana Ekspres dhe u mbështet nga Fondi Kulturor Zvicerian, një projekt i Agjencisë Zviceriane për Zhvillim dhe Bashkëpunim (SDC), zbatuar nga Qendra për Biznes, Teknologji dhe Lidership (CBTL).

Exhibition, Kultura, Piktura, Vizatime

“Ik dhe mos shiko mbrapa”

Ekspozita e quajtur “Ik dhe mos shiko mbrapa“ u çel ditën e mërkurë, datë 24 Maj TE’Galeria. Kjo ekspozitë u zhvillua nga studentë të Liceut Artistik “Jordan Misja“, në krye me petagogen e tyre. Krijimet e studentëve i dhanë ngjyrë kësaj ekspozite. Ekspozita u mbajt e hapur deri më datë 11 Qershor nga ora 10:00 – 13:00 dhe 17:00 – 19:00.

E veçanta e këtij projekti të quajtur “Ik dhe mos shiko mbrapa“ është antidot vizual i stereotipit të pashprehshmërisë të ekspozuar para nesh kohë më parë në të përditshmen e zakonshme. Këtë herë brenda imazhit është fshehur një rrëfim... Kështu nisëm një tjetër udhëtim magjepsës në shoqerinë e Arbit, Adelës, Livias, Danielit dhe Melinës, nxënësve të Liceut Artistik.

Ky rrëfim vizual është i ngarkuar me një potencial pamor nga tekstet e shkruara. Shkronjat, gramafetet përveç se kanë një kuptim e një tingull të lidhur me gjuhën e folur e të shkruar janë edhe simbole figuratve. Dhe duke qënë shkronja ato mund të lexohen edhe si imazhe. Ndriuçesit mesdhetar e kishin vënë re këtë kur transformuan kapakun e një libri në një kryevepër të vogël artistike figurative bazuar në format gjeometrik të inicialeve të ndryshme.

Kjo ekspozitë pati një kuriozitet të madh nga njerëzit, duke qënë se është dhe ekspozitë e cila kishte krijime nga nxënës të Liceut Artistik, pra artstë të rinj në këtë fushë.

Exhibition, Kultura, Piktura

“Her Energy”

“Her Energy” titullohet ekspozita që u çel ditën e premte, datë 7 Prill TE’ Galeria, ora 18:00. Në të u prezantuan rreth 20 piktura, kryesisht me teknikën Akrilik në Kanavacë . Publiku pjesëmarrës në çeljen e kësaj ekspozite, u njoh më nga afër me pikturat e artistes Kristina Shkurti.

Ekspozita solli në dukje figurën e femrës për bukurinë, karakterin, energjinë e shpirtin e saj. Kristina solli nëpërmjet penelatës së saj, ngjyrave vibruese e kontrasteve te forta të cilat për të kanë rrjedhur natyrshëm në krijimtarinë e saj. Kompozimet e dinamike të subjekteve vijnë shpesh dhe si një ëndërr që të tërheq të bëhesh pjesë. Ajo u shpreh se shpesh frymëzimin e gjen në pavetëdijen e saj e cila lundron në kanacavë së bashku me ngjyrat.

"Ne si qënie njerëzore kemi brenda nesh 2 lloje energjish, atë femërore dhe mashkullore, pavarsisht gjinisë dhe secila nga natyra përfaqësohet nga karakteristika të ndryshme të kundërta.
Këto energji duhet të jenë në harmoni dhe nuk duhet të dominojnë mbi njëra-tjetrën.
Ritmet e jetës moderne vitet e fundit janë bërë shumë të shpejta. Ështe krijuar një tendencë për të poseduar sa më shumë gjëra materiale dhe pushtet.
Gratë janë çdo ditë në një luftë të vazhdueshme për të vërtetuar që mund t’ja dalin të vetme pa asnjë ndihmë, që janë po aq të afta në punë, dhe kjo gjë është shumë në rregull. Por në këtë luftë të përditshme pa kuptuar kanë filluar të humbasin fuqinë e tyre, feminitetin. Dhe kjo ndodh kur je në një gjëndjë mbijetese.
Krijimet e mija me ngjyra dhe kontraste të forta duan të përcjellin pikërisht këtë. Mos harroni fuqinë tuaj natyrore, feminitetin tuaj, nxirreni në pah, jeni më të hapura për të pranuar ndihmë.
Jini si ujë të buta, jo si shkëmb të forta."

Kristina Shkurti

Ekspozita qëndroi e hapur deri në datë 10 Prill nga ora 10:00 deri në orën 19:00.

Exhibition, Workshop

Bli një pikturë, dhuro një edukim 2

Në datën 16 Mars TE’Galeria u çel ekspozita e solidaritetit “Bli një pikturë, dhuro një edukim 2”. Të ardhurat e këtij eventi bamirësie u erdhën në ndihmë femijëve në nevojë për blerjen e mjeteve shkollore dhe veshjeve. Kjo ekspozitë qëndroi e hupur nga data 16 deri në 20 Mars.

Workshopi dy ditor i pikturës u zhvillua nga rreth 20 fëmijë të moshave të ndryshme. Krijimet e tyre u prezantuan në ekspozitën që u mbajt në ambientet e TE’ Galeria. Në këtë ekspozitë morën pjesë njerëz të profesioneve të ndryshme, që mbështetën kauzën.

Këtë vit vendosëm të bashkëpunonim me organizatën “Autizmi Flet”, një organizatë e cila ka si qëllimi kryesor fuqizimin e personave me aftësi të kufizuar, të lindur ose të fituar me synim përmbushjen dhe respektimin e të drejtave të tyre.

Përveç të tjerave në ekspozitë u prezantuan edhe disa punime nga disa fëmijë me çrregullime te spektrit të autizmit. Në këtë ekspozitë një pjesë e pikturave u prezantuan në kuadër të Ditës Ndërkombëtare të Ndërgjegjësimit për Autizmin. Këto u prezantuan në datë 3 prill te ambientet e Destil Creative Hub.

Një pjesë e madhe e pikturave u shit. Të gjitha kto të ardhura që u mblodhën shkuan për fëmijët të cilët kanë nevojë.

Falenderojmë organizaten e “Autizmi Flet”, prindërit, femijët, dashamirësit dhe të gjithë mbështetësit e kauzës që morën pjesë.

Exhibition, Kultura, Piktura, Projekte, Vizatime

E Panjohura Kolektive

Subjekti ose tema e trajtuar ka të bëjë me dukuritë e botës psikike dhe sidomos në lidhje të qartë me kujtesën; me atë pjesë të kujtesës që është depozituar brenda qenies sonë por që nuk është fort e qartë. Këto pjesë janë ato të cilat, rrallë, shfaqen më shumë si lëvizje e shpejtë në mendjen tonë dhe jo si një kujtesë e pastër e së kaluarës. Nëse i mbledhim bashkë ato krijojnë në vetëvete një kolektiv për të cilin nuk kemi një identitet apo përcaktim. Gjithësesi, ato krijojnë format e veta dhe kanë ndikim tek konceptet tona rreth botës së jashtme. Ndoshta, janë edhe pjesëza të ëndrrave, ndoshta figura të cilat i kemi parë por që nuk i kemi vëzhguar gjatë. Ndoshta!

"Brenda sferës së psikikës sonë, qëndrojnë me qindra ndodhi dhe gjëra. Ato mbushin thellësitë e forcave të jashtëzakonshme. Të gjitha transformuar në një mater(ie) të padukshme që lëviz brenda unit. Të ndërthurura me shqisat dhe ndjenjat, të prekura prej mendimeve dhe ëndrrave, ato krijojnë kështu valë që drejtojnë dritën dhe hijen. Duke manifestuar një jetë të padukshme dhe aktive, të dy anët krijojnë një trajtë të vetme, një veçanti. Brenda energjisë mendore, në përkapjen time, të gjitha këto duken sikur vijnë nga qenie të panjohura kolektive..."

KRISTIAN ZARA

321694030_1497801207417651_4412600347937089071_n (1)

321141500_683881516529983_7991385136469835346_n (3)

Përqasja e artistit

Në studimet e mia artistike, prej rreth 6 vitesh, veprat e C. G. Jung mbi psikanalizën dhe arketipat kanë influencë të fortë. Është një nga fushat që më tërheq shumë dhe tashmë është bërë edhe burim nxitës për punën time në art. Gjithësesi, stili eskpresionist mbizotëron tek vetë stili im personal, ndërkohë që konceptualizmi sa vjen e ndërthuret edhe më tepër brena punimeve të mia. Subjekti që unë prej kohësh trajtoj është njeriu apo njerëzit midis dy anëve, të brendshme e të pa dukshme dhe asaj të jashtme fizike. Gjithçka në botën e jashtme, për mua, nis nga bota jonë e brendshme ku gjenden edhe forcat jetike e veprimtarisë sonë së përditshme.

E rëndësishme për mua të jap drejtime rreth punës sime artistike, dhe jo të shpjegoj se çfarë dua të them apo kam menduar, dhe përse. Mendoj se më e mira që unë mund të jam me anë të eskpozimit të punimeve të mia është nxitja e vëzhguesit për të nisur një proces reflektimi ose meditimi rreth fenomeneve që trillohen përpara tij nëpërmjet arsyes pamore. Çdo kush është i lirë të gjejë përjetimin e tij brenda asaj që shikon, dhe i mirëpritur ta përcjellë atë po ashtu në liri të plotë.

Ekspozita “E Panjohura Kolektive” përmban 21 punime arti të cilat ndahen në 14 vizatime në laps, dhe 7 piktura – vaj në beze. Këto punime janë pjesë e serisë me të njëjtin titull, të realizuara nga fundi i vitit 2020 deri në fillim të vitit 2022. Stili i punimeve është llojit ekspresionizëm, por me ekzekutim minimalist (pa shumë detaje).

Kultura, Exhibition, Exhibition, Kultura, Projekte, Projekte

Thumbi në Shenjestër

“Thumbi në Shenjestër” titullohet ekspozita që u çel ditën e premte, datë 18 Nëntor TE’Galeria, ora 19:00. Në të u prezantuan katalogu si dhe rreth 30 punime në teknika të ndryshme si laps, akuarel, akrelik apo digital print. Publiku pjesëmarrës në celjen e kësaj ekspozite, u njoh më nga afër me artin e karikaturës të Endri Beqos.

Bota e paraqitur nëpërmjet artit të karikaturës nga syri i artistit Endri Beqo. Tema sociale dhe ndryshimet që kanë ndodhur në këtë dhjetëvjecar. Lufta, ndotja, ngrohja globale, Virusi Covid-19, kriza ekonomike dhe ndryshimet që kanë sjellë risitë e teknologjisë në jetët e njerëzve janë disa nga tematikat që ka trajtuar artisti në punën e tij. Pas 10 vitesh këto punime i ka përmbledhur në një katalog, i cili tanimë gjendet në libraritë e Tiranës. Portrete, karaktere e fenomene të një realiteti shoqëror Shqipëtar e botëror të paraqitura me doza ironie e humori në mënyrë që të bëjnë të reflektosh.

Ekspozita “Thumbi në Shenjestër” qëndroi e hapur për artdashësit deri në datë 27 Nëntor 2022 nga ora 10:00 deri në orën 18:00.

Rreth autorit

Endrit Beqo është lindur në Tiranë dhe është diplomuar në Universitetin e Artëve në Tiranë për skulpturë dhe grafik 2010-2015. Ai ka marrë pjesë në shumë aktivitete të ndryshme në kategorinë e Artit te karikaturës në portrete dhe bashkepunime ne shumë evente të ndryshem si dhe nga Bashkia e Tiranës.

Ka marre pjesë ne "Info Network" ku ka marrë çmimin e dytë në temën e karikaturave të BE-së. Ai gjithashtu ka marrë çmime ndërkombëtare në Festivale te ndryshem si në Bienale te Strip dhe Cartoon në Galerinë HAMAM në Prizren, Maqedoni Prishtinë dhe në Turqi. Gjithashtu edhe në ekspoziten (Flaka e Janarit) në Gjilan.

Karikatura hyri për herë të parë në hartën e Shqipërisë në vitin 2020 ku u organizua Konkursi i Bienales nga Niko Nikolla, në qytetin e Pogradecit, ku artisti gjithashtu ishte pjesëmarrës. Dhe e fundit në Ferizaj në festivalin e Shoqatës së Karikaturës-HITHI kur u vlerësua me çmimin (për vlerat e larta Artistike). Ka marrë pjesë në ekspozita kolektive në rrethet e Shqipërise në grupe, ka bërë tre ekspozita personale me Karikatura sociale për Termetin dhe e fundit për Covidin në (Galerine Gat). Gjithashtu ka bërë ilustrime artikuj libra botues per femije “,ka punuar dhe në gazeta online dhe në botime me artikuj të ndyshëm në karikatura sociale, si dhe skenografi skenike të teatrit Skampa dhe postera të kompozuara në karikaturë. Ilustrimi i tij është edhe libra Comic book që ka botuar dhe një libër me tematiken të emigrimit ku ka marrë pjesë në Novelat Grafike nga Ministria e Kultures.

Exhibition, Exhibition, Kultura, Projekte, Workshop

Bli një pikturë, dhuro një edukim!

Në datën 8 Shator TE’Galeria u çel ekspozita e solidaritetit. "Bli një pikturë, dhuro një edukim" u erdhi në ndihmë fëmijëve të qytetit të Elbasanit. Kjo ekspozitë qëndroi e hupur për tre ditë dhe individë e institucione shprehën solidaritetin e tyre.

302471989_132108169534900_9035939947580776685_n

304754672_1786922518351077_3840716588218047384_n

302280996_186926830375948_5148363168176948383_n

Workshopi dy ditor i pikturës u zhvillua me fëmijë të moshave 7-13 vjeç dhe kjo u finalizua me një ekspozitë solidariteti ndryshe nga ekspozitat e tjera të zhvilluara më herët. Të ardhurat, të cilat u grumbulluan nga kjo ekspozitë shkuan si një ndihmë për blerjen e mjeteve shkollore dhe veshje për disa fëmijë në qytetin e Elbasanit.

Ky projekt u ideua nga Ana Qirjazi dhe familja e saj dhe u soll në jetë nga Tirana Ekspres, TE'Galeria në bashkëpunim me organizatën A2A Albania në Elbasan. Klikoni link-un për të ndjekur kronikën e RTSH dedikuar projektit.

Artet vizuale, Exhibition, Kultura, Piktura

Ekspozitë me artistët e rinj

Ditën e Premte më 25 Mars 2022, u çel ekspozita me artistet e rinj në ambientet e TE’ Galeria, nën kurimin e Andi Tepelena. Shtatë artist të rinj të bërë bashkë, sollën punimet e tyre në teknikën vaj në kanavacë dhe jo vetëm. Një vazhdimësi prezantimesh për publikun të veprave të tyre të viteve të fundit . Rutina e përditshme, jeta artistike, gjendja shpirterore, femijëria, tradita ishin disa nga temat e trajtuara nga artistët Albi Yzo, Enea Ziu, Kristian Zara, Hert’ha Pataj, Edinjo Jahja, Resina Meçani, Stefania Balla.

Ekspozita qëndroi e hapur për publikun deri më datë 4 Prill dhe u finalizua me një bisedë ku ishin të ftuar vet artistët pjesëmarrës dhe kuratori. U bashkuam për të mesuar më tepër për përmbajtjen e veprave por dhe realitetin artistik në qytet, shqetësimt dhe hapat që mund të ndërmerren për të bërë kontributin e gjithsecilit akoma më të vyer.

NJIHU ME DISA NGA ARTISTËT

Albi Yzo

Të krijoj në epokën tonë bashkëkohore, është për mendimin tim, të jesh i angazhuar të zgjedhësh forma të ndryshme të të shprehurit duke ruajtur thelbin e vetes, në mënyrë që kjo energji të shpërndahet në kohën dhe në hapësirën në të cilën ne jetojmë.

Arti, për mua, është aftësia e mendjes për të prodhuar vepra, të cilat shoqëria do t’i vëri në funksion të përmirësimit estetik dhe kulturor të tij. Puna ime tregon qartë interesin tim për bukurinë, kërkimi im ontologjik për risi, heterogjenitet i pamohueshëm, dashuri për njeriun se ai është sublim.

Balanca dhe harmonia mes tyre përbëjnë çfarë mund të jetë e veçanta e punës sime.

Hert’ha Pataj

Unë quhem Hert’ha Pataj, kam lindur në 6 maj 2001 në Tiranë. Në moshë të vogël u interesova për artin dhe vzhdova ta praktikoja atë vetë. Kam mbaruar shkollën e mesme në “Petro Nini Luarasi” dhe aktualisht studioj në Fakultetin e Shkencës dhe Ekonomisë së Aplikuar, në Departamentin e Artit dhe Dizajnit. Unë jam duke bërë një intership në një kompani marketingu për dizajn dhe reklamim dhe gjithashtu punoj online ndonjëherë si dizajner.

Objektivi im ishte arkitektura për një kohë të gjatë derisa u përfshiva më shumë me artin, gjë që bëri ndryshimin tim në Art dhe Dizajn. Një pjesë e madhe e artit tim është e ndikuar nga shumë artistë, piktorë, grafistë nga epoka të ndryshme dhe gjithashtu nga muzika, ku unë e gjej veten më të frymëzuar sidomos në pjesën e konceptimit të çfarë do të krijojë.

Kristian Zara

Në hulumtimin tim artistik, ndërthurja e veprimtarive bashkë me manifestimin shpirtëror
të psikikës janë tashmë pjesë e rëndësishme e studimeve të mia si artist. Unë përdor figurën e njeriut nëpërmjet së cilës mund të shpreh të gjithë vëzhgimet artistike, filozofike, që burojnë nga një proces i pandërprerë meditimi dhe analize.
Duke vërejtur ndërveprimin midis botës së brendshme dhe të jashtme, njeriut dhe shoqërisë, natyrës dhe njerëzimit, shpesh ndodhë të zhytem në një bashkëbisedim me të panjohurën e dikurshme.
Pavarësisht se unë përdor figurën e dikujt tjetër, vetë e panjohura është një pjesë e vetvetes sime e cila si rrjedhojë kthehet në vetë-thelb-temë (subjekt) dhe objekt për t’u vëzhguar dhe zhvilluar konceptualisht.

Enea Ziu

Në një shoqëri ku njeriu po jeton më shumë brenda mëndjes së tij, apo botës virtuale, dua të vë
në dukje rëndësinë e marrëdhenieve shoqërore e familjare, marrëdhenieve me hapsiren ku jetojmë e objekteve që na rrethojnë. Piktura për mua është përjetësim i një momenti, qoftë ai dhe
i zakonshem, real apo imagjinar. Momentet spontane nga jeta e përditshme zënë një pjesë të
rëndësishme në krijimtarinë time. Këto momente jo vetëm zbulojnë ndjesitë e perceptimet e mia
mbi realitetin por gjithashtu zbulojnë dhe vetë procesin e krijimit.

Photo credits Inda Sela

NJIHU ME DISA NGA ARTISTËT

Albi Yzo

Balanca dhe harmonia mes tyre përbëjnë çfarë mund të jetë e veçanta e punës sime.

Hert’ha Pataj

Kristian Zara

Enea Ziu

Exhibition, Fotografia, Kultura

Foto & Libër Artistik

Photo & Art Book titullohej ekspozita e çelur në ambientet e TE’ Galeria më datë 15 Prill 2022 nga studentët e vitit të tretë të Departamentit Art & Design (DAD), në Albanian University. Ekspozita qëndroi e hapur për publikun deri në datë 24 Prill dhe në të u prezantuan rreth 30 fotografi dhe 20 art book të punuara me teknika të ndryshme. Secila vepër paraqiste një këndvështrim tepër personal dhe të vecantë.

Kurator Dr. Shpend Bengu

Artistët pjesmarrës: Albana Baliaj, Belia Mëziu, Enea Nipoli, Hert’ha Pataj, Isra Merja, Korina Picari, Kosta Mango, Lejla Dulaj, Marios Xhani, Nigela Durishti, Rea Hysa, Stefania Balla, Uendi Pula

Artet vizuale, Exhibition, Fotografia, Projekte

#TE’GALERIA

Another exhibition in our environments #TE’GALERIA.
We had the pleasure to open the Photography Exhibition of the well-known artist Mr.Roland Tasho.
This exhibition, which lasted 3 (three) days, took place on November 24, 2020, at 17:00 at the TE Gallery (Rr.Hoxha Tahsim, Former House of Friends, Tirana).