Arjan Serjanaj / Ekspozite / Hapja 15 Maj 2014, 18:00 @ Tirana Ekspres

Shoqëria shqiptare në ditët e sotme gjindet me një memorie kolektive të traumatizuar nga zhvillimet e historisë së saj bashkëkohore.
” Postum Trauma ” në definicionin patologjik të këtyre tog-fjalësh njihet si ” Post-traumatic stress disorder “. Në përgjithësi, të prekur nga kjo sëmundje janë personat që i nënshtrohen një përvoje shock-u (tronditëse). Disa nga simptomat e njerëzve të cilët vuajnë nga kjo sëmundje janë: fobi, mendim vetëvrasjeje, harresa e çdo gjëje që ka të bëjë me traumën, depresion …

Ekspozita është e përbërë nga dy video instalacione me katër punë të integruara në to.
Hapur për publikun nga data 15 – 22 Maj 2014, nga ora 11:00 – 20:00. Të Dielën mbyllur.

Arjan Serjanaj ka lindur në vitin 1982 Tiranë / Shqipëri. Diplomuar në vitin 2002 Arte Figurative – Liceu Artistik “Jordan Misja” në Tiranë / Shqipëri. Diplomë Bachelor Arte figurative 2009 dhe Master Arte figurative 2012 në Akademinë e Arteve të Bukura të Bolonjës / Itali.
Aktualisht jeton dhe punon në Tiranë.

Artisti përqafon të gjitha mediumet që i japin mundësinë për të shprehur studimin e tij: pikturë, skulpturë, instalacion, video, audio …

Në përgjithësi, puna e artistit është e karakterizuar nga një gjendje eksiztenciale, politike, psikologjike, dhe sociale.

Arjani është i ndjeshëm në mënyrë të veçantë mbi proçesin social dhe demokratik në Shqipëri, gjithashtu traumat e tranzicionit shqiptar kanë lënë gjurmë në jetën e artistit duke ndikuar edhe në prodhimtarinë artistike të tij.

Arjan Serjanaj ështe përfshirë në ekspozita të tilla si “Artist in residence – Bando SI, Colateral Arte Fiera, Bologna / Italy”, “TransZinxhir – Galeria FAP, Tirana / Albania”, “Idromeno Price – Galery of Arts Shkoder / Albania” and “First International Award – Arte Laguna, Veneto / Italy”.

Hapjes e ekspozites TRADITA E MALEVE E VERIUT – te enjten dt. 8 Maj 2014, ora 19.30  Tirana Ekspres.

Në epokën e teknologjisë dhe të globalizmit ku kultura po njesohet vazhdimisht është e rëndësishme të kthejmë vështrimin  herë pas here nga rrënjët, pasi kultura e sotshme ndërtohet mbi themele të forta të së shkuarës.

Ekspozita “Tradita e Maleve të Veriut”  synon promovimin e trashëgimisë etno-kulturore të zonave të veriut, duke sjellë një copëz të jetës së malësorëve që nga mjetet e jetesës, veglat e punës, punimet e ndryshme artizanale, veshjet popullore. Ju ftojmë në një mbrëmje ku ekspozita e objekteve shumëvjeçare do ndërthuret natyrshëm me diskutime, libra dhe poezi të autorëve të zonës shoqëruar nga tingujt e ëmbël të fyellit dhe çiftelisë, të cilat s’do ngurrojnë të marrin dhe nuanca rock-u.

Hapjes e ekspozites “STACIONI I HARRUAR” te enjten, dt. 1 Maj 2014, ora 19.00.                      Ekspozita do te jete e hapur deri me date 8 Maj!

Kontributi i 5000 vullnetareve te rinj ne vitin 1947 ne ndertimin e hekurudhes Durres-Tirane ende nuk eshte zhdukur totalisht.Kjo hekurudhe perpiqet te mbijetoje ne harresen e kapluar nga banoret dhe shteti.
Dikur mjeti i transportit me i rendesishem ne vend ,ku nuk perjashtonte asnje shtrese sociale,sot treni eshte nje mundesi e mire udhetimi i njerezve te skamur nga varferia.
Stacioni i trenit eshte nje realitet krejt i shkeputur nga dinamizmi i kryeqytetit.Treni per pjesen me te madhe te banoreve eshte inekzistent.Per ta treni eshte nje histori e mbushur me kujtime.Ndersa per te rinjte Shqiptare treni eshte dicka e turpshme.Edhe nese e ke bere ate “gabim” sduhet treguar tjetrit sepse ne syte e tij do te jesh thjesht nje i “rreckosur” .